LAKIP sa kamandoan ni Misamis Oriental Governor Bambi Emano sa general community quarantine nga gideklarar niini sa lalawigan pagbatok sa coronavirus disease (Covid-19) mao ang pagpuyo sa balay ug obserbahon ang social distancing.
“The public is directed to practice stringent social distancing measures, including avoidance of large group gatherings, cancelation of social events and staying in their respective homes,” nakalatid niini.
Pabilin nga suspendido ang tanan klase sa pribado ug publikong tunghaan hangtod sa Abril 14, 2020.
Ang pribado nga mga establisemento nga adunay mga trabahante ang kinahanglan nga ikonsidera ang working arrangement sama sa limitahan pinaagi sa skeletal workforce, magtrabaho sa balay, compressed work week, flexible time ug staggered working hours.
Kinahanglan nga ang mga health ug emergency frontline services ang kinahanglan nga padayon ang operasyon.
Ang mga relihiyosong sektor kinahanglan likayan ang dagkong kalihokan ug ipaagi na lamang ang pag-ampo o misa sa online platforms.
Mga negosyo sa lalawigan kinahanglan nga imintinar ang kamandoan pagbaton saktong kalimpyo.
Mga shopping malls pabiling sirado ug kadtong mga tindahan sama sa supermarket, grocery, parmasya ug kadtong essentials nga mga establismento nga bukas kinahanglan prayoridad ang mga mabdos, dunay deperensya sa panglawas, senior citizen.
Mga fast food chain limitahan ang katawhan ug oras sa operasyon.
Mga dyip, ug bust ug uban pampublikong sakyanan mag obserbar og social distancing.
Ang mga mayores sa kalungsoran mao nay gitahasan nga undangon ang operasyon sa mga KTV bars, gym, gaming station ug uban pa aron malimitahan ang katawhan.
Gidili sab ang pag-inom og ilimnong makahubog sa publikong kadalanan.