SUPERBALITA CAGAYAN DE ORO

NMMC gikonsiderang Covid-19 Center

NAKALATID sa executive order nga gipirmahan ni Governor Bambi Emano nga ang Northern Mindanao Medical Center (NMMC) lamang ang nag-inusarang ospital nga himoung coronavirus disease center sa lalawigan sa Misamis Oriental.

Gipasabot niini nga pabilin nga Covid free ang walo ka mga Misamis Oriental provincial hospitals.

“All Misamis Oriental Provincial Hospitals will be considered as Covid-19-free hospital as NMMC is the sole Covid-19 Center,” nakalatid sa kamandoan ni Bambi.

Gipasabot sab ni Dr. Jerie Calingasan ang Misamis Oriental Provincial Health Officer nga tungod ang NMMC alamang adunay kapasidad niini nga klase sa sakit.

“They have the capacity and capabilities in NorthMin mao nga atong gihimo nga Covid-19 center,” matud niini.

Dugang ning maong kamandoan nga tanan pasyente nga giila nga moderate-severe Covid-19 ang kinahanglan i-refer sa NMMC kon asa kinahanglan nga ipahibalo daan ang Regional Command Center kon Emergency Operation Center.

Kung ang usa ka pasyente magpagahi sa iyang desisyon nga magpa refer sa NMMC ang pahamtangan og silot.

Gikinahanglan sab nga tanan MOPH magbaton og holding area sa adunay gisuspetsahan nga kaso sa Covid aron dili kini maka infect sa laing areas sa tambalanan.

Adunay sab giandam og gi-designate nga ambulansya sa matag distrito nga maoy modala sa pasyente paingon sa NMMC.

Giklaro sa kamandoan nga ang MOPH Balingasag ang gidesinyo isip ekslusibo nga hospital alang sa OB and Gyne Emergency cases kung gikinahanglan nga i-decongest ang NMMC.

Ang kapitolyo probinsyal mag-provide og sakyanan nga maoy modala sa pasyente paingon sa MOPH Balingasag.

Alang niadtong mga emerhensya ug mga surgical cases gikan sa MOPH sama sa Alubijid, Initao ug Manticao nga di maakomodar sa level 1 nga balay tambalanan ang ang i-admit sa MOPH Manticao, samtang este nga bahin gikan Salay paingon Magsaysay ang pagadalhon sa MOPH Gingoog.

Alang sab sa mga refferals sa NMMC gikinahanglan nga tawagan unsa ang Emergency Operation Center aron didto ibalhin, adunay pito ka pribado nga hospital nga makaakomodar sa 20 porsiyento nga bed capacity nga no balance billing.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph