GISUGYOT sa Police Regional Office (PRO)-Northern Mindanao nga kung hiniusang community quarantine sa rehiyon ang ipatuman mas sayon kini sa kapulisan nga mag-checkpoint.
Kini ang pahayag ni Police Lieutenant Colonel Mardy Hortillosa kinsa tigpamaba sa PRO-Northern Mindanao.
Matud niini nga kung magkasabot lang ang tanan nga mga lideres pwede kaayo kining mahitabo sa rehiyon aron mausa lang ang lutsan sa mga mobiyahe ug kadtong gidid-an sa pagpasulod.
“Kung mahimo gyod magkasabot atong mga lider aron ang matag boundary free flowing taas taas ug di hassle pod sa atong katawhan,” sugyot ni Hortillosa.
Taliwala paman sa lain-laing pagpatuman sa siyudad, kalungsuran ug lima ka lalawigan sa rehiyon ang gipaabot ni Hortillosa nga gisunod nila ang kamandoan sa inter-agency task force sa national.
Gipaabot niini nga adunay bag-ong kamandoan nga lakip na sa palutson ang mga mangingisda ug mag-uuma nga kinahanglan sab naghatod ug ilang mga baligya.
Dinhi sa rehiyon adunay mokabat 57 nga quarantine checkpoint nga gi-manned sa 1,184 pulis nga gilakipan sa kasundalohan, bombero ug uban force multipliers.
Gilusab sab sa rehiyon ang Joint Task Force Corona Virus Shield (JTF CV Shield) gikan sa regional paingon municipal level.
Si PRO-Northern Mindanao Regional Director Police Brigadier General Rolando Anduyan nga ilang ihatag ang saktong protocol ug guidelines sa tanan quarantine checkpoints.
“PRO 10 (Northern Mindanao) will fine tune the procedures in running the QCPs of the region to comply the directives of Inter-Agency Task Force for Management of Emerging Infectious Diseases (IATF MEID) and the Joint Task Force Corona Virus Shield (JTF CV SHIELD) for the better flow of the control points and the movement of authorized person will unhampered/unimpeded.” pahayag ni PBGen Anduyan.