SUPERBALITA CAGAYAN DE ORO

Food packs gikatakdang ihatag

GI-ANDAM na sa lokal nga kagamhanan sa siyudad sa Cagayan de Oro labi City Social Welfare and Development (CSWD) ang food assistance alang sa mga grabe nga apektadong sektor sa katawhan sa dakbayan sa Cagayan de Oro.

Ang maong food packs gilangkoban sa 15 ka kilo sa bugas, 15 ka noodles, lima ka sardinas, lima ka corned beef ug lima ka beef loaf nga dunay budget nga matag food pack anaa sa dul-an usa ka libo o P950 nga dunay total nga P21,000.

Prayoridad sa CSWD ang mga sektor nga walay hinabang gikan sa nasudnong ahensiya sama nalang sa mga anaa sa transportasiyon nga apektado labi na ang mga drayber sa public utility jeepneys, taxis, public utility vans, public utility coasters, public utility buses, motorela, trisikad ug habal-habal (base sa LTFRB, City Registration) ug vulnerable sectors sama sa fishermen, farmers, scavengers, street families, ambulant vendors, ug katong mga graduate Community Improvement Division NCI lakip na niini ang mga blind/massage therapist base na usab sa rekomendasiyon sa tsirman sa barangay.

Gibutyag sa CSWD executive overseer, OIC Michael Christopher Fabello nga ang prayoridad niini nga food assistance kon ayuda sa lokal nga kagamhanan sa siyudad mao kining mga sektor nga walay nagtabang nga nasudnong gobyerno ilabi na nga giingong limitado lamang ang pundo.

“Because of the very limited resources that we have dili pud nato malukop tanan, ang atong malukop gyud, ang atong targeton una is kato gyung pinaka indigent,” matud ni Fabello.

Gidugang pa nga ang mga membro sa Pantawid Pamilyang Pilipino Program (4Ps) o 4Ps beneficiaries ug unconditional cash transfer (UCT) programs nga anaa sa 18,000 ka pamilya lakip na ang mga minimum wage workers ang dili lakip matunolan niining food assistance sa siyudad.

Dili usab kini sila mabalaka tungod kay ang membro sa 4Ps andam na ang Department of Social Welfare and Development (DSWD) sa cash ug food assistance samtang sa mga trabahante andam usab ang Department of Labor and Employment (Dole).

Gibutyag usab niini nga ang mga senior citizen ang nahatagan na usab sa ilang local pension nga gi-house to house sa paghatod nga anaa sa P3,000-P6,000.

Gidugang pa nga kini alang sa kinse ka mga adlaw aron nga dili na usab maggawas-gawas ang katawhan sa siyudad.

“Ang atong food pack nga gina prepare para sa usa ka household is good for 15 days, para malimit ang paggawas sa balay. In consonance gihapon ni sa social distancing or stay at home nga mandate,” dugang pa.

Nagpasalamat usab kini sa mga Xavier University-Ateneo de Cagayan nga miboluntaryo mismo sa pagtabang sa pag apud-apud sa ayuda lakip na sa mga dunay malumo ug manggihatagaon nga kasingkasing sa indibidwal ug kampanya nga naghatag usab og mga hinabang alang sa katawhan sa siyudad.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph