GI-AGHAT ni Mayor Oscar Moreno ang mga opisyal sa barangay nga magpasa na sa nga rekisitos aron matunol na ang pundo o alokasiyon sa matag barangay.
Anaa sa P121,000 ang total sa 80 ka mga barangay sama sa Aid to Barangay – P108,000; Aid to Barangay development – P3,000 ug Aid to Tanod – P10,000.
Gibutyag ni Moreno nga aprobado na kini nga mga kantidad apan kinahanglan nga magpasa og report labi na nga dunay ubang barangay nga wala pa nagpasa.
“But naa’y mga requirements niini according to law, they have to comply submission of financial reports and vouchers, now naa man gud uban barangay nga wa pa maka-submit,” matud ni Moreno.
Gidugang pa niini nga dili pa kini ang financial aid ug gihangyo nga maatiman na dayon kini sa matag barangay aron nga mahatag na ang maong kantidad.
“Tanan mag-submit lang sa financial reports tanan kana 80 ka barangay katong wala pa naka submit atimana ninyo ka na palihog,” dugang pa ni Moreno.