SUPERBALITA CEBU

Quarantine sa Dakbayan sa Sugbo giandam na sa kapulisan

File photo

KARONG Sabado, Marso 28, sa alas 12 sa udto kasamtangan nga i-lockdown sa Cebu City Police Office (CCPO) ang mga borders diin wala nay makasulod ang mga dili residente sa dakbayan isip kabahin sa pagpatuman sa Enhanced Community Quarantine nga giluwatan ni Mayor Edgardo Labella.

Matod ni Police Colonel Hector Grijaldo, hepe sa CCPO, nga wala nay publikong sakyanan ang makabiyahe sa Siyudad sa Sugbo.

Apan kon adunay taga Dakbayan sa Sugbo nga gikan sa mga silingang dakbayan ang ipaubos sa proseso ug pangayoan sila og dokumento aron makasulod sila sa Cebu City.

“Kadtong mosulod sa Cebu City nga naa diri nagpuyo ug nagtrabaho dinhi ipaagi silag proseso sama sa pagpangayog ID nila aron maka sulod sila,” matod ni Colonel Grijaldo.

Si Police Brigadier General Albert Ignatius Ferro, hepe sa Police Regional Office Central Visayas, miawhag karon sa mga barangay officials nga ilang gamiton ang ilang mga sakyanan kon adunay emerhensya sama sa mga residente nga moadto sa tambalanan ug mga klinika.

“Akong panawagan sa mga barangay officials nga mo-deploy sila'g sakyanan aron matabangan nato katong moadto sa hospital ug katong magpa-prenatal nga buntis,” matod ni Ferro. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph