SUPERBALITA CEBU

Isolation centers alang sa PUIs sa Ormoc giandam na

LEYTE. Ormoc City Mayor Richard Gomez mimando sa mga barangay kapitan nga iandam na ang mga isolation centers sa mga barangay alang sa mga PUIs tungod sa Covid-19. (Hulagway iya ni John Kevin D. Pilapil)

ORMOC CITY, Leyte-- Giaandam na sa mga barangay ang ilang isolation centers alang sa mga Persons Under Investigation (PUI) tungod sa coronavirus disease (Covid 19).

Kini human si City Mayor Richard Gomez mimando sa mga barangay kapitan atol sa ilang tigom Huwebes, Marso 26, 2020.

Matod ni Liga ng mga barangay Ormoc Chapter President Esteban Laurente nga kon ang usa ka barangay dunay maitala nga PUI dunay mga modular tents nga ibutang sa covered court ug didto i-isolate ang PUI.

“Nag-prepare na ta karon sa mga isolation centers,” matod ni Laurente.

Gisugilon usab ni Laurente nga ila pa usab sabutan kon asa ibutang ang mga PUI sa matag District Barangays (mga barangay sa City Proper) nga walay mga covered court.

“Mao na among hisgutan kay naa man tay evacuation center sa Barangay Danhug. Pero di pa jud confirm og asa ang para sa taga district. But so far wala pay mga PUI diha (district barangays),” matod ni Laurente.

Ang Barangay Health Emergency Response Team (BHERT) ang gitahasan sa pagsusi kon duna bay PUI aron kini mahaluna og sakto sa isolation center.

Kon mahuman na og andam ang mga isolation centers, i-evaluate pa kini sa taga City Health ug i-sanitize sa una pa pwede mabutangan og PUI ug gisiguro nga naa gihapon ang social/physical distancing.

Giklaro ni Laurente nga lahi usab ang Covid-19 isolation facility sa City Hospital sa Barangay San Pablo diin ibutang lang didto ang mga pasyente nga nagpositibo na sa Covid-19.

“Kadtong mga mild and moderate lang ang naa sa isolation center. Ang ibutang sa isolation facility kadtong positive na gyud,” pasabot ni Laurente.

Base sa mando ni Gomez, dapat ang mga isolation centers sirado apan dunay sakto nga ventilation, dapat dunay saktong supply sa tubig ug kuryente ug kaligoanan ug dapat i-sanitize ka usa matag adlaw.

“All isolation units must be compliant with Department of Health issuances and applicable advisories on Barangay Isolation Units” matod sa mayor.

Gihangyo sa kagamhanan ang tanan nga PUI ug PUM nga motuman sa 14 ka adlaw nga quarantine ug di mag suroy-suroy kay pwede kini ipadakop. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph