SUPERBALITA CAGAYAN DE ORO

Cabanlas: 'Poorest of the poor' angay malakip sa hinabang



GISUGYOT ni Konsehal Edgar Cabanlas nga malakip ang 10 porsinto nga kabus kada barangay ilabi na nga dunay mga anaa sa ubos nga sektor nga wala malakip sa sektor sa transportasiyon ug employment ang mahatagan sa ayuda sa dakbayan sa Cagayan de Oro.

Buot niini nga sa ikaduhang hugna sa pagpanghatag sa mga food assistance sa katawhan sa dakbayan nga apektado sa community quarantine, malakip kining anaa sa pinakaubos ang estado nga dili lakip sa sektor sa transportasiyon ug sa employment sector.

Gitakdang itunol ang anaa sa 21,548 food packs sa mga household sa nagkadaiyang dapit sa siyudad sa Cagayan de Oro alang sa mga drayber sa public utility jeepneys, taxis, public utility vans, public utility coasters, public utility buses, motorela, trisikad ug habal-habal (base sa LTFRB, city registration) ug vulnerable sectors sama sa fishermen, farmers, scavengers, street families, ambulant vendors, ug katong mga graduate Community Improvement Division NCI lakip na niini ang mga blind/massage therapist base na usab sa rekomendasiyon sa tsirman sa barangay.

Atol sa special session sa konseho niadtong Marso 25, nagsugyot si Cabanlas nga malakip ang 10 porsyento o anaa sa mga 75,000 ka household.

"Pwedi ba nato malakip ang kabus gyud kaayo kanang gitawag nato nga poorest of the poor, kanang naa gyud sa ubos... I hope matun-an pag-ayo nga atong malakip kanang 10 percent sa poorest of the poor," matud ni Cabanlas.

Gidugang pa niini nga dunay mga galisod pa nga dili mga drayber ug wala nalakip sa gabayan sa paghatag sa mga food packs.

Samtang gibutyag usab ni Konsehal Jocelyn Rodriguez nga gamay ra kaayo ang 21,000 nga food packs kay gani sa Barangay Nazareth anaa na sa 400 ka mga sikad drayber.

"Actually, ang 21,000 is very very gamay ra gyud kaayo for the first tranche release no, my sikad alone sa amo Barangay Nazareth I have almost 400. So dako-dako pa gyud atong kwarta for the second tranche," matud ni Rodriguez.

Samtang gibutyag usab sa overseer sa City Social Welfare and Development (CSWD) nga unahon sa una ang mga gakinahanglan gyud pag-ayo gumikan na usab kay limitado lang ang tinubdan sa pundo.

"With the limited resources that we have now we are just prioritizing and all the rest will follow," pahayag ni Fabello.

Gidugang pa nga kinahanglan usab nga makig-koordina ang mga buot nga mohatag og hinabang aron nga ma-angay gyud ang pag apud-apod.

"Makig-coordinate sab aron dili mag doble-doble aron ma-spread pud aron katong matagaan na di na namo matagaan. Again nipis kaayo atong mga resources, although ingon si mayor dugangan," dugang pa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph