PIPILA ka mga dalan nga nakapalibot sa Northern Mindanao Medical Center (NMMC) ang gimando ni Mayor Oscar Moreno nga ipasarado aron usab nga wala'y makasulod gawas sa ambulansiya nga duna'y karga nga pasyente.
Kini ang gibutyag ni Moreno atol sa daily press briefing niadtong Marso 26.
"Ang mga dalan around NMMC atong sirhan sa traffic, pananglitan kanang bwtween sa Corrales, between Centrio and NMMC, kanang dalan by the side of NMMC sirhan para sa traffic," matud ni Moreno.
Gidugang pa nga angayan kining sirad-an ilabi na usab kay delekado sa publiko gawas sa mga health personnel ug sa sakyanan nga dunay pasyente.
"Except katong nagdala og masakiton, health personnel. Kani sab nga dalan facing NMMC, right in front sirhan pud namo na sa traffic kay delekado kana diha, in fact ato man gani na ipa-disinfect," matud ni Moreno.
Gidugang pa nga duna'y team sa disinfection ug gani prayoridad niini ang mga balay tambalanan.