Nadela: Kaluoy sa mga kabus

SA panahon sa katalagman ang mga kabus mao gyuy magrabihan. Mao nga ning panahon nga padayong gihulga ang atong panglawas, matagamtam kaha sa mga kabus ang patas nga panerbisyo gikan sa gobyerno? Basin baya ang maghinawod sama sa naandan kadtong duol sa luwag. Unta mahatagan og klarong kahulogan ang gisulti sa bibliya nga kadtong naa sa ubos ipataas. Dili ni ordinaryo nga kalbaryo nga atong gipas-an. Nibati man gani og kahadlok ang mga adunahan unsa na kaha ang labing timawa natong kaigsoonan.

Nakabasa mo o nakabati balita diin gidasig ang mga dili taga Cebu City sa pagpamauli sa ilang tagsa tagsa ka probinsiya?Ambot kong nakauyon ba mo o wala sa maong repory pero kong akoy pangutan-on di kaayo kini haum sa sitwasyon karon. Di ikalalis nga ang minilyon nga papulasyon sa dakbayan ang dakong pahat niini nag gikan sa mga tawo nga gikan sa probinsiya.

Nag-una nga rason ngano nga ang uban nakahukom sa pagpuyo dinhi kini tungod sa ilang trabaho. Ang uban nia dinhi nagtungha. Ang uban nia na sab maminyo. Daghan nila dili mga botante sa dakbayan mao nga sa matag eleksiyon makita nato nga mamungingi ang mga bus paghakot sa daghang pasahero. Dili mab tuod sila maisip nga botante pero kabahin sila sa dakong hut-ong sa katawhan nga nakatabang sa pagpalambo sa atong dakbayan. Kana lang gani nga magsud-ong ka sa mga construction worker nga nagpainit aron mobarug ang tag-as nga building, pila ra man ka buok ang maisip nga taga dakbayan. Kasagaran nila taga probinsiya di ba?

Tuod man tungod sa kabalaka nga matanggong sila dinhi sa ato, niadtong Huwebes makalilisang nga lawod sa mga pasahero ang nasaksihan sa duha nato ka bus terminal. Ang North ug South bus terminal. Nagbaha ang mga pulong sa kaluoy sa social media sa ilang kahimtang.

Sa hataas sa linya ug kainit sa panahon way di bation og kalooy sa atong mga kaigsoonan nga naningkamot nga makasakay aron nga sa ilang tagsa tagsa ka probinsiya ilang makauban ang ilang mga minahal sa kinabuhi. busa ang sitwasyon sa duha ka terminal diin sila nagpunsisok ang protocol sa social distancing klaro kaayong nalapas. Pero ang paghingalan nila nga mga gahi og ulo nganong wa magtamod sa gipatuman nga lagda, daw subra ra sab.

Kinsa may makahunahuna og lagda nga ang naa sa hunahuna sa maong mga pasahero nga makasakay ug makapauli na sa ilang tagsa tagsa ka distinasyon. May paagi ba nga kadto malikayan? Naay daghan apan ang bul-og sa liboan ka pasahero nga miataki sa duha ka terminal, nakapakugang sa mga hingtungdan.

Di bag-o alang mga tagdumala nga punsisokan sa mabagang duot sa mga pasahero ang duha ka terminal. Kana ng adlaw sa minatay, pasko ug Semana Santa. Pero ang nahitabo karon lahi sa tanang lahi. Dili selebrasyon ang pagbaha sa mga pasahero didto.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph