SUPERBALITA CEBU

Binghay: Pagpuyo aron mapalayo

Kukabildo

DI pa lang dugay mipagawas si Mayor Edgardo Labella sa Cebu City og Executive Order No. 52, series of 2020 nga naglatad og baload ug nagpahimangno natong mga Sugbuanon og molupyo sa dakbayan aron mapugngan ang pagkatag sa Corona Virus nga mikaylap sa tibuok kalibutan.

Matod sa Worldometer.info, bisag pinakataas ang nasud nga Stina sa gidaghanon sa natakdan ini (81,051), ang nasud nga Italy maoy numero 1 karon sa gidaghanon sa nangamatay (4,825) unya nagpadayon pa kini og saka.

Usa sa pinaka impotanting hangyo sa Mayor mao ang pagpuyo lang una sa atong tagsa-tagsa ka panimalay aron mapalayo sa kagaw og di mosamot og katag.

Ang ka-apan kay ang mga bata napul-an na og tinan-aw og mga salida sa TV, gamit sa internet, tiktok og video games.

Diay akong mga suhistiyon para ang oras sa mga bata di ma-usik samtang magpundo sa balay.

Higayon na karon sa mga ginikanan pag-bonding.

Tudluan ang mga bata sa mga ginbuhaton sa panimalay sama sa pag garden, pagluto, panglaba, pang-limpyo aron sa ngadto-ngato maka barog ra sila sa ilang kaugalingon.

Mahimo sang pukawon ang mga nahikatulog o napadaplin nga mga hobbies sama sa scrapbooking, reading, writing, sayaw, gardening , crochet, pagpanahi og uban pa.

Pwedi sab family sports o mga karaang duwa sama sa balay-balay, bato- lata, scrabble, syatong o takyan.

Panahon na sab karon nga magtinabangay panghinlo sa tagsa-tagsa ka kwarto o aparador para ma donate o mahatag sa nagkinahanglan ang mga subrang gamit o nadak-an nga sapot/butang nga wa na gamita.

Maayo sang balikaon pagtan-aw ang mga karaang salida nga dunay mapupo nga mga pagtulun-an sama sa bible stories labi na karong kwaresma sama sa ‘The Ten Commandments’ kaysa mga video games nga maka- addict og makadaot sa mata og panlawas.

Tabangi sab pagpalit sa ilang mga pagkaon, panginahanglanon og tambal imong edaran nga silingan aron di na sila mangunay og palit ini og mapalayo sa takod.

Katapusan, iluhod ug ihangad ang tanan sa kahitas-an.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph