MANILA--Di makaon ug iro ang mga bashing karon sa social media mahitungod kang Sen. Koko Pimentel nga positive sa Covid-19 pero personal pang gihatud ang iyang asawa sa Makati Medical Center.
Dapat gisalig na lang unta niya sa iyang pamilya o bodyguards ang paghatod sa ospital pero nganong siya man ang mingharong to think nga Covid-19 positive siya. Dapat nasa extreme quarantine o kaha anaa siya sa ospital.
Dakong paglapas kini sa DOH quarantine protocol ug gumikan niini, may mga grupo nga gusto siyang ipatangtang sa pagka-senador. Worse, ipa-disbar siya.
Ang ex-wife ni Koko, ang beauty queen nga si Jewel Lobaton nagpadayag sa iyang Facebook account ang grabeng pagkabalaka sa ilang duha ka anak ni Sen. Koko, parehong menor de edad, diin si Koko ang gitugyanan sa balaud og kustodiya sa duha nila ka anak.
Sigurado si Jewel nga na-exposed ang duha ka bagets sa ilang amahan ug gusto ni Jewel nga mahibaw-an ang whereabouts sa iyang duha ka anak. Gusto niyang mapa-test sad kini sa Covid-19.
Padaplin daw una ang custody issue, isip inahan nga maoy naghimugso kanilang duha, gusto ni Jewel nga makauban ug alimahan ang ilang mga anak ni Koko pero hangtud niining mga higayuna, wa pa niya ma-locate ang iyang mga anak.
Na-feel naku ang sentimiyento ni Jewel. Tama, isantabi muna ang issue sa child custody, gusto lang niyang makasiguro nga safe ug wa matakdi ang iyang mga anak.
NAKAULI NA SA BALAY
Finally, nakauli na ako sa akong balay sa Batasan Hills sa QC after 11 days nga natanggong sa giabangang condo unit sa Sct. Borromeo.
Way public transpo maong gibaklay ko ang more than 10 kilometers, di naman kaayo budlay tungod kay daghan sad ang mga naglakaw ug dunay waiting shed. Siyempre mopahuway sad ang bayot.
Di ko na-vlog ang akong journey kay naglisod ako tungod kay may dala akong bag unya may payong pa nga gikusokuso sad sa hangin, naguba sa may Tandang Sora. Maayo nalang kay may abling tindahan sa Moros sa may Luzon banda, nakapalit ako og payong.
Nakaabot ako sa akong balay safe and sound pero karon nako ma-feel ang grabeng pamaol.
Grabe, kanus-a pa kaha mahuman ang atong giantos karon?