Gordon mohinabang sa homeless nga mga bata

ANG star player sa Orlando Magic nga si Aaron Gordon ang bag-ong nahidugang sa mga NBA players nga miitsa sa iyang hinabang nga makigbatok sa coronavirus.

Gipahibawo ni Gordon ang iyang paghatag og donasyon ngadto sa mga Homeless Education Fund alang sa mga eskuwelahan sa Central Florida.

Ang pagsira sa mga eskuwelahan nagpasabot nga daghang mga bata sa Orlando ang mawad-an sa libre o kaha matibhagan ang ilang mga pagkaon nga mao nay ilang naandan.

Kaniadto pa si Gordon mahinabangon na ngadto sa mga bata nga nagkinahanglan og panabang ug nanghinaot nga ang iyang gihatag mahimong dakong tabang ngadto sa hingtungdan.

Pipila ka mga players sa Magic, lakip ni Jonathan Isaac, Nicola Vucevic ug Mo Bamba ang miitsa usab sa ilang donasyon sa nagkalainlaing sektor.

Ang DeVos family, ang tag-iya sa Magic sulod sa 29 na ka tuig, ang mipagawas usab og $2 million nga pundol alang sa mga empleyao sa Magic, Lakelad Magic, Orlando Solar Bears ug Amway Center kinsa mawad-an usab sa ilang kita o income niining pag shutdown sa mga sports ug entertainment centers.

“Potential is universal; opportunity, not so much. That’s where we come in,” Gordon said. “Now is a great time to wrap our arms around our kids’ communities.” (JBM)

Related Stories

No stories found.
SunStar Publishing Inc.
www.sunstar.com.ph