Pro boxer sa Amerika positibo sa Covid-19

NAGPOSITIBO ang usa ka professional boxer didto sa Estados Unidos.

Si Travis Kauffman, kinsa gikatakda unta nga moaway ug balik karong Abril 22 human sa usa ka tuig nga wa makasaka ibabaw sa ring, ang miangkon ug mikompirmar niini.

“Please keep me and my family in prayers. Tested positive for Covid-19. This too shall pass,” matod sa 34 anyos nga Kauffman. Natawo sa Pennsylvania, si Kauffman adunay record nga 32-3 nga may 23 ka knockout.

Usa siya sa gipanglantawan nga maoy mosakbang ni World Boxing Council (WBC) champion Deontay Wilder. Apan ang iyang kapildihan ngadto ni Amir Mansour ug Luis Ortiz maoy mipakgang sa maong damgo.

Karon si Kauffman makigkombati batok sa susama sa giatubang usab sa 75,000 niyang kataganasod nga mao ang coronavirus nga mikatap na og maayo sa Amerika. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph