MINOSAN og 20% ang suweldo sa mga top executives sa NBA alang sa kaugmaon sa lIga.
Kining pagkunhod makaigo sa gibanabanang 100 ka mga executives nga nagdawatan og taas nga suweldo.
Niini, nahisama na usab sila sa NHL ug Nascar nga mipakunhod sa suweldo samtang ang kompetisyon gihunong tungod sa coronavirus.
Moepekto gilayon ang pagpakubos ug maapektohan usab niini ang mga empleyado sa NBA sa ilang headquarters sa New York ug sa ubang global offices.
Ang tinubdan wa lang una magpaila sa AP tungod kay wa pa kini ipahibawo sa publiko. Hinuon kini gikataho na sa ESPN.
Hinuon ang mga health benefits dili ra matarog ug walay kausaban sa ubang departamento lakip na ang mga staff sa support ug administrative.
Ang NBA misuspenso sa ilang mga duwa niadtong Marso 11 human si Rudy Gobert sa Utah Jazz maoy unang player nga nagpositibo sa coronavirus. (JBM)