LUWAS na sila si Rudy Gobert ug ang kauban niini nga si Donovan Mitchell sa coronavirus duha ka semana human kini nagpositibo sa maong sakit.
Sa taho ni Chris Mannix sa Sports Illustrated, ang tanang players sa Utah ug personnel, lakip na si Gobert ug Mitchell, ang pulos gideklarar sa Utah Department of Health nga luwas sa mikatap karon nga Covid-19.
Giklaro sa mga health officials nga ang Jazz players ug mga staff niini dili na hulga nga makatakod sa uban. Kon kahinumdoman, si Gobert mao'y unang nagpositibo sa maong virus hinungdan nga daling gipangsuspenso ang tanang duwa sa NBA.
Si Mitchell mao'y bugtong kauban ni Gobert sa Jazz nga giingong napositibo usab.
Gawas sa Jazz, ang ubang teams sa NBA ang gikataho nga aduna usa'y kaso sa coronavirus.
Kini sama nila ni Kevin Durant sa Brooklyn Nets ug Marcus Smart sa Boston Celtics. Christina Wood sa Detroit Pistons kinsa gikataho usab nga naka-recover na usab. (JBM)