SUPERBALITA DAVAO

Pagpabiling himsog (Uwahing guwa)

SILA Southeast Asian (Sea) Games bronze medalists Sonny Wagdos ug Mary Pauline Fornea nga wala dinhi sa Davao samtang gipatuman ang state of public health emergency ug community quarantine.

Apan sama sa ubang atleta, ang kamanduan wala makapugong kanila nga maningkamot aron ipabilin ang kahimsog sa lawas bisan anaa sa panimalay.

Si kanhi University of Mindanao (UM) standout Wagdos, nga milabni og bronse sa 30th SEA Games men’s 5,000-meter run sa New Clark City sa Capas, Tarlac, Disyembre 2019, nagsulti nga padayon ang iyang ehersisyo ug gibantayan sa kanunay ang iyang ginakaon.

Anaa siya karon ga-istar sa Lipa, Batangas.

Ang Air Force personnel nga gikan sa Prosperidad, Agusan del Sur, makahimo gihapon sa pag-jogging apan, suot ang mask aron protektahan ang kaugalingon sa Covid-19.

“Makadagan man gihapon ko pero limit lang, 30 minutes jog sa morning og sa afternoon,” niya sa SunStar Davao via Facebook.

Niya, wala siya’y ispesyal nga diyeta apan gakaon siya og sakto.

Ang 24-anyos nga 8th BIMP-Eaga Friendship Games triple gold medalist Wagdos nagsugyot, “Kung naay ladder, pwede mag foot drills.”

Samtang si Sea Games duathlon bronze medalist Fornea, nga foreign schooling cadet sa Philippine Military Academy ngadto sa United States Naval Academy (USNA), nagkuha sa double engineering majors, kasamtangang nag-istar sa balay sa iyang sponsor sa Rockville, Maryland, diin di siya mamahimo nga mobalik sa USNA tungod sa pandemic.

“Everyday, I wake up at 6 a.m. for my one hour to one-and-a-half-hour indoor training. Then go to online classes and military duties from 9:30 a.m. to 4 p.m. before another indoor training from 4 p.m. to 5:30 p.m. My indoor training includes bike and strengthening exercises,” ni Fornea.

Ang matag adlaw niyang nutrisyon gina-monitor sab sa iyang coach, Val Lao sa Happy Fit Nutrition Hub.

Sigun niya, ang indoor cardio exercises sama sa treadmill ug indoor bike trainers nga may core strengthening exercises maayo nga routine alang sa triathletes, runners ug cyclists.

Si Fornea, University of the Philippines (UP) Mindanao graduate, nagdugang,

“We need to keep our body healthy and fit so we can improve and/or maintain our immune system. We can still be fit and healthy by maintaining our physical fitness level and eating nutritious foods.”


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph