SA pagkauswag sa 2020 Tokyo Olympic sa sunod tuig gumikan sa hudlat sa coronavirus disease (Covid-19), ang Cebu marathon queen nga si Mary Joy Tabal nanghinaot nga adunay extension sa pagpahigayon og qualifying events nga sunodsunod nga nangakanselar sa miaging buwan.
“I just hope that since the Olympics has been postponed, it’s good if they extend the qualifying period so we can still run and try to qualify even after the last qualifying this June 30,” matod ni Tabal sa interbyu sa Sun.Star Cebu.
Kon mainat ang qualifying period, nagtinguha si Tabal nga makasalmot sa Berlin Marathon karong Septiyembre.
Aduna sab laing duha ka international races nga planong apilan ni Tabal karong Hunyo ug Hulyo apan pareho kining nagdepende pa sa sitwasyon.
“I have the KL Standard Chartered in June and Gold Coast Marathon in July. But I already received an e-mail from the Gold Coast Marathon about pre-announcement of possible cancellation because of lockdown or community quarantine until the end of May in Australia,” pasabot ni Tabal.
Si Tabal, 30, nanghinaot nga makabalik na siya sa pagdagan sa gawas aron makapakondisyon og balik.
“I have a lot of time to recover and fully heal. But for now, we will work on things that we can do indoors,” batbat ni Tabal, kinsa nag-post sa iyang mga ehersisyo sulod sa iyang balay sa Facebook.
Alang kang Tabal, sakto ang desisyon sa International Olympic Committee (IOC) nga iuswag ang 2020 nga edisyon sa matag upat ka mga tuig nga kompetisyon. / ESL