Grupo runners mitabang sa frontliners batok covid-19

■ FRONTLINERS: Moabot sa 400 ka mga karton sa Mogu-Mogu nga produkto ang natigom sa grupo sa runners nga ilang gihatag nga hinabang sa frontliners sa pagpakigbatok sa Covid-19 pandemic. / Tampo
■ FRONTLINERS: Moabot sa 400 ka mga karton sa Mogu-Mogu nga produkto ang natigom sa grupo sa runners nga ilang gihatag nga hinabang sa frontliners sa pagpakigbatok sa Covid-19 pandemic. / Tampo

TALIWALA ning pagkuyanap sa coronavirus disease (Covid-19) pandemic ug enhanced community quarantine, ang beteranong runners sa Sugbo naghimo og lakang aron makatabang sa komunidad sa ilang kaugalingong pamaagi.

Sila si runner Annie Penaroya, volunteer runners ug Mogu-Mogu’s representative Maria Joy Laguna nanghatag og 400 boxes sa Mogu-Mogu product alang sa frontliners sa Cordova, Lapu-Lapu City, Cebu City, Mandaue City ug uban pa.

Si Penaroya nakatakda untang magsaulog sa iyang adlawng natawhan kauban ang mga estudyante sa Tisa Elementary School alang sa feeding program karong Marso 30, 2020 apan dili kini madayon tungod sa hudlat sa covid-19.

Gipasabot ni Penaroya nga gumikan kay wala’y running events ning mga panahuna, ang pundo sa Mogu-Mogu nga gitagana alang unta niini gamiton na lang aron itabang sa frontliners.

Matod ni Penaroya nga nagmagul-anon siya dihang nakaselar ang iyang feeding program sa Tisa Elementary School apan dihang nakadawat siya og tawag gikan sa Mogu-Mogu kabahin ning maong programa, nalipay siya nga makatabang sa frontliners.

Gipangtawgan ni Penaroya ang iyang mga kauban nga runners sa Sugbo ug hasta sa Leyte aron motabang sa pagpang-apod-apod sa donasyon sa Mogu-Mogu. Nahuman sa grupo ang pagpang-apod-apod sa ilang donasyon sulod sa duha ka mga adlaw.

Sa laing bahin, si ultra runner ug environmentalist Tony Galon, kinsa nagpasiugda sa 5-piece daily habit movement, miawhag sa iyang kaubang runners ug mga Sugbuanon nga magpuyo lang una sa ilang tagsatagsa ka panimalay aron makatabang sa pagbatok sa covid-19.

“I still continue with my 5-piece daily habit, I’m bringing alcohol to prevent contamination,” pasabot ni Galon.

“As we stay at home, the earth is also healing.” / RSC, ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph