SUPERBALITA CEBU

Daclan: Puyo una ta tanan sa balay vs. Covid-19

Ayg Saba!

MAHIMONG alegre unta karong Abril para sa mga movie fans kay sa unang higayon atong ilusad ang gitawag og Summer Metro Manila Film Festival o SMMFF, apan tungod sa krisis nga nahitabo karon morag magpaabot una ta kon kanus-a gyud ni mapahigayon.

May mga romantic films dinhi sama sa “Tagpuan” ni Mac Alejandre diin ang bida silang Shaina Magdayao ug Alfred Vargas gi-produce sa Alternative Vision Cinema.

May gikan usab sa T-Rex entertainment nga “Ngayon Kaya” ni Prime Cruz starring Janine Guttierez ug Paulo Avelino.

Duha ka drama nga pampamilya ang nakalinya pod dinhi kini mao ang “Isa pang Bahaghari” nilang Nora Aunor ug Philip Salvador gikan sa direksyon ni Joel Lamangan sa Heavens Best Entertainment.

Ang ikaduha mao ang pelikula ni Sylvia Sanchez ug Jinggoy Estrada nga “Coming Home” sa Maverick Films sa direksyon ni Adolfo Alix Jr.

Ang nag-inusarang aksyon movie entry ang gikan sa Viva Communication Inc. ang “A Hard Day” ni Lawrence Fajardo ug si Dingdong Dantes ang bida. May usa ka horror film usab ang nakalusot ang “The Missing” nilang Joseph Marco ug Ritz Azul gsa Regal Entertainment sa direksyon ni Easy Ferrer.

Mao kini unta ang mga opisyal nga entry sa unang Summer Metro Manila Film Festival nga ablihan unta karong buwan sa Abril.

Apan tungod lagi niining panghitabo sa atong nasud karon dili una kini nato makita ug mag-paabot na lang kita kon kanus-a kini mapasalida sa mga sinehan. Ay’g saba!

Hapit tanang artista karon nagpundo ra sa ilang mga balay, mihatag og suporta sa gihimong mga lakang sa atong mga gobyerno.

Ang uban usab kanila mihatag og mga hinabang sa atong mga kaigsuonan nga naapektuhan niining sitwasyon sa atong nasud.

Busa kita usab tanan mag-ampo ug mosunod sa tanang mga pahimangno sa atong kadagkoan, puyo lang sa balay para dali ra mahunong ug dili na mosanay ang makatakod nga Corona virus, amping tanan, ay’g saba!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph