GILAGDAAN na ni Gobernador Gwendolyn Garcia ang mga kamandoan nga mao ang executive order no. 5-O labot sa pagpatuman na sa enhanced community quarantine (ECQ) sa Marso 30, 2020.
Sa maong higayon, gidid-an na sa pagsulod, gawas ang tanan nga mga Sugboanon nga way importante nga mga trabaho o essential work function sa Dakbayan sa Sugbo.
Kinsa ang exempted?
Naglakip kini sa mga medical personnel, sakop sa Department of Health (DOH) 7, Philippine Red Cross (PRC), World Health Organization (WHO), doktor ug driver niini, staff sa hospital, medical professionals ug caregivers.
Lakip usab ang funeral parlor employees, pamilya sa namatyan, officiating priests, pastors, imam ug ubang religious ministers.
Mga emergency responders sama sa RAPID, Dept. of Interior and Local Government (DILG) 911, Bureau of Fire Protection (BFP), Emergency Rescue Unit Foundation (ERUF), Disaster Risk Reduction Management, Dept. of Social Welfate and Devt. (DSWD) ug Barangay Health Emergency Response Team (BHERT).
Security services sama sa PNP, AFP, PCG, NBI, Office of Transportation Security, Bureau of Customs, Bureau of Immigration, Philippine Ports Authority (PPA), Cebu Ports Authority, Land Transportation Office, Bureau of Quarantine, BJMP, CPDRC, Capitol Security Unit, Company Security officer ug security guards.
Mga financial services, logistics, technology support ug child care services, LGU officials, delivery personnel, mga tindera nga nagtrabaho sa merkado, ports, seaports, pharmacists, mga empleyado sa supermarkets, mga staff og crew sa fast food chains ug restaurants ug karenderya nga nag padayon sa pag patuman sa take-out ug drive thru policy.
Magpadayon usab ang pag operate sa mga establisimento sama sa banko, public market, slaughter house, hardware stores, groceries ug supermarkets, 24/7 convenience stores, food chains, pharmacies, telecompanies, energy companies, water companies, construction, airport, seaport ug agricultural business, veterinary ug animal feed vendors, newspaper, radio, TV networks ug uban nga media outfit, gasoline station, trash collection and services. Ang maong mga establisimento maka operate og 24 oras. / ANV