SUPERBALITA DAVAO

71-anyos PUI sa DavOcc na-monitor

MALITA, Davao Occidental -- Usa ka 71-anyos nga lalaki ang gipailawom karon isip patient under investigation kon PUI-9 sigon sa gipaguwang datos sa Provincial Health Office (PHO) sa lalawigan, alas 6 sa gabii, Sabado, Marso 28.

Sumala pa nga ang maong pasyente wala’y travel history apan adunay kontak sa usa ka person under monitoring (PUM) ug aduna sab mild symptoms ug uban pang balatian sa panglawas mao nga gipailawom na sa home quarantine.

Ang PUI-7, usa ka 43-anyos nga lalaki diin unang na-categorized nga PUM apan nakasinati og hilanat niadtong Marso 25, tuig kasamtangan ug aduna’y travel history sa nasud Indonesia mao nga anaa na sa home quarantine.

Usa ka 3-anyos nga batang lalaki sab ang PUI-8 kinsa wa’y travel history apan aduna’y direct contact sa usa ka PUM ug anaa na sa home quarantine.

Ginasubay pa ang ubang history sa mga nahibiling PUI.

Sa datos sa PHO, anaa na sa siyam ang ilang PUI diin duha ang na-cleared ug pito ang padayong ginabantayan.

Mokabat sab sa 644 ang persons under monitoring diin 232 ang na-cleared ug 412 ang padayong gimonitor.

Gumikan niini subling nanawagan ang mga personahe sa PHO ngadto sa publiko nga motuman sa community quarantine.

Ang buhatan ni Representative Lorna Bautista-Bandigan nanawagan sab sa katawhan nga magpuyo sa ilang balay aron malikay sa coronavirus disease (Covid-19).

Gipakusgan na sa Inter-agency Task Force (IATF) Covid-19 ang pag-kwarentinas sa ilang mga dapit aron dili mokatap ang kagaw.

Mihimo og disinfection ang mga sakop sa IATF sa mga kadalanan aron mapatay ang kagaw.

Giabisohan sab ang mga aduna’y balatian nga di mogawas sa ilang balay sanglit sila ang nag-unang target sa di makita nga kagaw. (OBD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph