NAGDUSO na si Mayor Oscar Moreno og sugyot nga madugangan ang pundo ug alokasiyon ilabi na sa pakigbatok sa coronavirus disease 2019 (Covid-19) nga padayong nikuyanap sa tibuok nasud.
Atol sa daily press briefing gi-anunsyo ni Moreno nga kini incremental budget ug gibutyag nga duna nay mga napagawas nga pundo sa pagpamalit og mga kagamitan lakip na alang sa food assistance ug uban pa nga mga programa nga nakahan-ay na.
"Naa na'y atong gigahin nga pundo actually naa nata'y for distribution like I said naa na'y mga more or less P100 million, ang procurement has already started ang distribution may begin either this week or early next week," matud ni Moreno.
Gidugang pa nga gani natunol na ang anaa sa P121,000 alang sa mga kabaranggayan.
"Kini na release naman gani, bahala na ang barangay ani where they want to.. siyempre daganan sab sila sa tawo," dugang pa.
Gibutyag usab ni Moreno nga planuhon pa kini ug iplastar pag-ayo.
"And ato pa nang planuhon og asa na siya iplastar, pero lugar karon di sa ingon nga naa na kay actually ang problema sab diha is we have to raise the money kay ang budget does not create the money," dugang pa.
Giingong giduso na kini sa konseho ug naglaom nga maaprobahan tungod kay alang kini sa mga dugang nga panginahanglanon sa katawhan.
"Proposed allocation of P500 million pesos, para tabang, panagang and of course hopefully pang-address sa mga needs," pahayag niini.
"Dili ti-aw nice, kining P500 million is I want to emphasize the word incremental to whatever is provided for in the P7.5 billion budget," pagklaro niini.