Zubiri mibakwi sa mando pag-hold sa bugas

NAUKAY ang katawhan sa rehiyon 10 dihang nagpagawas og kamandoan si Bukidnon Governor Jose Ma. Zubiri nga dili na pagawason ang suplay sa bugas sa ilang probinsya ug kutob lang kini sa Bukidnon.

Ang executive order no. 18 ninii gipagawas adlawng Biyernes, Marso 27, 2020 nga nag-ingon nga tungod kay ubos sa general community quarantine ang tibouk lalawigan bout niining limitahan ang pagpagawas sa suplay sa bugas sa Bukidnon aron dili makatagamtam og kagutom ang katawhan sa probinsya.

Sa lakang niini nga mahatagan ang matag pamilya og usa ka sako nga bugas alang sa usa ka bulan nga konsumo diin bout niining mag purchased og dugang 60,000 ka sako.

Nasayran nga 40,000 pa ka sako ang natigom niini alang sa gitarget nga 100,000 ka pamilya.

Tungod sa pagpamaligya sa mga suppliers sa ilang bugas sa gawas sa probinsya giingong mao kini ang rason nga nagkuwang sa suplay ang probinsya sa Bukidnon.

Dihang niabot kini nga kamandoan sa atensyon sa Inter Agency Task Force o Northmin Task Force for Covid 19 mikomento si National Economic Development Authority (NEDA-10) Regional Director Maylah Faye Aurora Cariño nga dili mahimo nga pugngan sa gobernador ang suplay sa nag-unang panginahanglan sa katawhan.

"It is a form of LGU hoarding because the mandate is really to ensure sufficient supply and equitable allocation with these supplies to all parts of the country," matud ni Cariño.

Dugang niini nga ang Bukidnon naila sa nasod nga adunay daghang suplay sa bugas nga pwedeng mabenepisyohan sa tibouk nasod o kasikbit nga lugar.

Pipila ka oras human sa kamandoan ni Zubiri iya dayon kining gibakwi pinaagi sa pagpagawas og laing executive order no.18-A.

"Local suppliers has already commited to supply the PGB with such volume of rice grain," pasabot niini sa iyang kamandoan.