WALAY puas ang panawagan sa Department of Health (DOH-10) Northern Mindanao sa pagpanguna ni Regional Director Dr. Adriano Suba-an nga aron gamay lamang ang transmisyon coronavirus disease 2019 (Covid-19)
Nag-unang panawagan sa DOH-10 nga magpuyo sa balay ang mga residente.
"Akong hangyo sa tanan magpuyo sa balay para gamay ra ang mamatay. Kung dili kinahanglan mogawas pagpuyo sa balay para dili ka manakod o matakdan sa gawas kung positive ka sa virus. So pagpuyo sa balay para gamay ra ang mamatay," panawagan ni Suba-an.
Atol sa unang press conference sa NorthMin Task force for Covid 19 iyang gibutyag nga kung di magtinabangay ang tanan posibleng mahitabo ang nagkataas nga kaso sa mga nangamatay susama sa nahitabo sa laing nasod.
Tungod niini, buot niyang ipaabot sa katawhan nga ang kooperasyon sa tagsatagsa gikinahanglan ning krisis sa panglawas.
"All public and private sector, we have to support each other and link arms but first we have to believe that we can handle the pandemic and we can as long as we will work together as one protecting the vulnerbale population by stopping the rapid virus transmission," matud ni Suba-an.
Miabiso usab kini sa publiko nga ipatuman ang saktong pagdistansya sa usag-usa.
"Through physical distancing from eah other, contact tracing from surveillance, triad sytems, increase testing and improve case management, and while we have this time of golden window of opportunity to prepared and respond for the worst case scenario let's mobilize the other suport structures and mechanism that will effectively strenghtens our ranks in the fight," matud ni Suba-an.