SM mitabang sa NMMC

GIPASALAMATAN ni Mayor Oscar Moreno ang tanang nitabang ug nisuporta sa Northern Mindanao Medical Center (NMMC) ilabi na sa nasinating krisis tungod sa coronavirus disease 2019 (Covid-19).

Kini human nagtunol ang SM Foundation og mga kagamitan sa NMMC kinsa una na nga nibutyag kaniadto sa kakulangan sa ilang mga pangproteksyon batok Covid-19.

Lakip nga gidonar ang N95 mask-1000 pcs;Surgical mask-5000 pcs, Alcohol- 200 gallons; PPE-500 pcs;goggles-100 pcs; Raincoat- 100 pcs ug gloves-3000 pcs.

Gibutyag ni Moreno nga importante kaayo ang NMMC ug angayang suportahan mao nga nanghinaot nga gawas sa tabang sa lokal nga kagamhanan sa gobyerno daghan pa ang motabang niini nga ospital nga maoy bugtong gadawat ug mag-atiman sa mga pasyente nga nagpositibo sa Covid-19.

"Salamat kaayo niini in addition to many others, many others who have, who shown their appreciation sa heroism that Northern Mindanao Medical Center, the men and women of Northern Mindanado Medical Center are exhibiting, demonstrating consistently," matud ni Moreno.

Gi-awhag usab ang publiko ilabi na kadtong mga tawo nga nisaway sa lakang sa NMMC ug sa lokal nga kagamhanan sa siyudad nga motabang kini pagpakigbatok sa maong matang nga sakit.

"Angay ni mahibaw-an sa katawhan no, I hope nadunggan sab ni sa uban labi na kadtong ila lang sawayon nalang ang pagpaningkamot, grabe na kaayo ang pagpaningkamot sawayon lang gihapon, I hope marealize nila," dugang pa.

"I'd like to acknowledge the support of many kind hearted people and groups, organization and companys now sa ilang mga donasiyon sa Northern Mindanao Medical Center," dugang niini.

Nasayran nga nagtunol usab ang Cagayan de Oro Chinese Community's Group og P1 milyon nga kantidad sa mga suplay sa NMMC diin ang P365,000 niini nga kantidad sa suplay ang natunol na.

Samtang adunay mga patigayon usab sama sa Andreya ang nagtanyag og libreng pamahaw sa mga medical workers diha sa NMMC lakip na ang coffee bean ang gitanyag alang sa mga trabahante.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph