DEAR Noy Kulas,
Maayong adlaw mga ka Super. Tawga lang ko sa ngan Bambi, bayot ko pero di klaro kay lalake ko tan-awon. Pero lalake ko 5 percent ra kay mogana pud ko if unhan og babaye ug nahitabo gyud.
Nakabarkada ko og usa ka GRO kaniadto sa usa ka bar, pero naundang siya sukad nauyab og usa ka law enforcer. Unya ang law enforcer kay nasakpan sa asawa, gibiyaan siya. Sa laktod, wa nay kapaingnan ang akong amiga, so, ako na ang ni-support niya. Nagkasuod mi og maayo.
Ambot ba uy, kadtong diha siya ga-emote og maayo while gainom ming duha,nanginit ko ug dunay nahitabo namo. Unya na shock pa ko kay nasundan pa to until nga nimabdos siya. Unya ako ang giingon niyang father sa iyang gibuntis karon. Unya ganahan nga mag live in na mi. Frankly, Noy Kulas, hilasan ko mag live in ming duha kay feeling nako, babaye ko. Happy ko nga buntis siya, naa na koy anak, pero di ko 100 percent sure nga ako ang amahan. Tan awon ra nako unsa ang nawong sa bata ug akong ma-feel. Maayo kaha magpuyo mi?
BAMBI
Bambi,
Di na ikahibung kay ikaupat n aka nga bayot nga naka send nako og samang nature sa problema. Naa na gani tomboy ug bayot nagminyo. Way imposible ning kalibutana kay ang tanan mahitabo, mahitabo gyud. Naa bitaw to bayot kaniadto nga gihilot ra siya sa iyang kaubang babaye, nahitabo ka usa, nimabdos ang babaye. Naguol siya kay di siya ready. But ikaw ready man ka financially, just do your responsibility kon feel nimo ikaw ang amahan ug angay nga unongan nang bayhana.
Kon naa kay ikagasto, pwede baya na nimo ipa-DNA test kay aron maseguro nga ikaw. Makasabot ko nga apprehensive ka kay GRO baya na kaniadto, di imposible nga nakaduwa siya og laing team, pero ikaw lang ang gitudlo nga amahan. Naa nay mga hitabo nga ang babaye nanudlo og amahan kay ang lalake dunay kapabilidad sa pagbuhi og pamilya but lain diay nga team ang nakapamabdos.
But if ganahan kang motabang sa babaye unya libre man mong duha kay wa moy kabilinggan, buhata ang unsay angay nga buhaton ug unsay dapat. Ang importante nga dunay makasuporta niya karong panahuna. Ayaw siya biyai.
NOY KULAS