Drug operations padayon taliwa sa Covid-19 crisis

TALIWA sa pagpatuman sa tibuok Central Visayas tungod sa Covid-19 crisis, apan ang pagpatuman sa pagsumpo sa ilegal nga drugas nagpadayon.

Busa pasado alas 11 sa miaging gabii, Dominggo, Marso 29, nasikop ang onliner nga lakip namaligya og ilegal nga drugas atol sa ronda sa Barangay Kamagayan, dakbayan sa Sugbo.

Ang nasikop mao si Mary Flor Bugaren, ug molupyo sa Kamagayan.

Ang mga sakop sa Regional Drug Enforcement Unit (RDEU)-7 pinangulohan ni PCapt. Romeo Caacoy Jr. maoy nihimo sa malampusong operasyon.

Matud ni Caacoy, si Mary Flor ug iyang bana nga si Gary maoy ilang target sa maong pagronda apan nakadagan ang bana.

"Wala mi kabantay nga duna diay agianan didto kilid sa iyang balay nga lapos sa pikas agianan mao to nga naka dagan gyud,”matud ni Caacoy.

Si Mary Flor maoy kaabag sa negosyo nga ilegal sa iyang bana samtang ang negosyo nga online mao lang to ang nag silbing frontline sa duha aron dili sila mapakgang.

Nasakmit gikan sa suspek ang dul-an sa P300 mil nga balor sa shabu, base sa Dangeroius Drugs Board (DDB) value.

Dugang ni Caacoy nga ang magtiayon anaa na usab nalakip sa listahan sa Barangay Anti Drug Abuse Council (Badac) nga usa usab sa wala guihapon miundang sa pag pamaligya.

Ang dinakpan mihimakak nga kabalo kini sa kalihukan sa iyang bana sanglit busy man sa iyang online business.Dihang usa sa mga opisyal sa baranangay nanguta kaniya nga sa taas nga mga katuigan sa ilang panag uban isip manag tiayon imposible nga wala kini sultie sa bana,Ang dinakpan wala na motingog.

Kaso nga kalapasan sa Seksyon 5 ug 11 sa akta Republika 9165 ang atubangon sa dinakpan. (BBT)