USA ka ginang ang nasikop sa mga sakop sa WaterFront Police Station human masakpi nga nag himog dili otorisadong Enhanced Community Quarantine (ECQ) Pass.
Ang nadakpan mao si Maria Rowena Avila-Sarsalejo, 38, nga taga Gonzales Street, Barangay Sto. Niño sa siyudad sa Sugbo.
Nakuha gikan kaniya ang usa ka original ECQ pass ug tulo ka laing kopya nga iyang gipa tuyo sa pagpahimo pinaagi sa pag photo copy niini.
Kalapasan sa Article 172 sa Revised Penal Code in relation sa section 7 (unauthorized reproduction of ECQ pass) sa EO 65 ni Mayor Edgardo Labella ang atubangon ni Sarsalejo
Ang dinakpan naa karon sa kustodiya sa Waterfront police station ug gika takdang pasakaan og kaso ugmang adlawa. (AYB)