GIPATUMAN ang "Outsiders No Entry" policy ug nagbutang og checkpoint sa mga entry og exit points sa Barangay Subangdaku, Mandaue City sukad sa unang adlaw nga gipaubos ang maong dakbayan sa enhanced community quarantine Marso 30, 2020.
Nahinabi sa Superbalita Cebu si Santiago Luchavez, ang Sangguniang Kabataan (SK) chairman sa Barangay Subangdaku, ug sigon niya nga ang maong ideya gikan sa Sitio Marna nga gikoral ang mga entry og exit points sa ilang sitio ug muagi una og checkpoint ang mga lumulupyo.
Aduna lay pipila ka agianan ang gipaagian aron ma-monitor nila ang pagsulod og paggawas sa iyang lumulupyo.
Giganahan si Luchavez sa maong ideya, hinungdan nga gipresentar niya ang maong ideya sa ilang kapitan.
Ug miingon ang ilang kapitan nga si Ernie Manatad nga ipatuman na ang maong palisiya sa tibuok barangay.
Gitapok dayon ang tanang purok leaders sa ilang barangay aron ipahibawo ang maong palisiya ug abisohan sab ang ilang kasilinganan.
Sa mga checkpoint, magbantay ang duha volunteer og purok leader nga magbantay sa mga mugawas og musulod sa ilang lugar.
Tungod kaila na sila sa mga tawo sa ilang lugar, di gyud makasulod ang mga outsiders sa ilang lugar.
Sa dili pa musulod og mugawas ang mga lumulupyo, kinahanglan nga ipakita ang quarantine pass, mag mask kini, alcoholan ang kamot, musuwat sa ilang logbook nga sila mugawas og musulod sa ilang lugar. (KFD)