Mosqueda nangharus titulo online chess

ANG Toril-based nga si Anthony Mosqueda miangkon sa titulo sa Group A division title sa unang hugna sa Beating the Covid-19 Attack Group A Grand Prix Final online chess tournament.

Ang taga-Davao nga si Mosqueda, nagduwa sa username Toril_DC, miangkon og puntos nga 21 aron maoy mokampeyon sa torneyo nga gihimo via lichess.org ug giisponsora ni Atty. Jong Guevarra Jr.

Ang kasikas iyang giorganisa aron makabutang og luna sa mga chess players nga makaduwa gihapon taliwala sa community quarantine.

Si Eric Fernandez (fernz_eric) mipwesto sa ikaduha, human mikamada og 12 puntos, samtang si Edward Tare (elower) nahuman sa ikatulo uban ang 6 puntos.

Si Mosqueda mipildi ni Tare sa first round, si Denzel John Amar sa third round, Tare sa fifth round, Reynaldo Gempero sa sixth round, Fernandez sa seventh round, Tare sa eighth round ug Fernandez sa ninth round.

Apan si Mosqueda miyukbo kang Fernandez sa Round 2.

Si Mosqueda midawat og P100 nga mobile load ug t-shirt, samtang si Fernandez midawat og P60 load ug si Tare may P40 nga load.

Sa group B finals, diin si Alfred Moulic sa Buhangin nanguna sa pre-leg ning bag-o, himuon karong Dominggo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph