GIANGKON sa hepe sa Cebu Provincial Police Office (CPPO) nga adunay mga langyaw nga naka sulod sa Sugbo gikan sa Negros Island ug mi byahe kini paingun sa Mactan Cebu International Airport.
Matod ni Police Colonel Roderick Mariano nga ang pag sulod sa maong mga langyaw adunay pagtugot gikan sa Department of Tourism isip kabahin sa national program niini nga pag repatriate sa na stranded nga mga turista.
“May mga galing kase duon because nung repatriation program ng government ng nagdaang araw so isa ito sa national program at hinahatid naman yung iba diretso sa airport yung iba naman diretso sa hotel na ginagawa nung una,” matod ni Police Colonel Roderick Mariano.
Apan mipasabot si Colonel Mariano nga ang pag sulod sa mga langyaw nahitabo sa wala pa gipatuman ang enhanced community quarantine.
Sukad niadtong Lunes, Marso 30, wala nay nadawat nga impormasyon si Mariano nga aduna pay naka sulod nga mga turista nga misakay og barko nga nag kargag mga pagkaon gikan sa isla sa Negros.
Hugot na matod pa nga gi bantayan sa kapulisan ang mga nag unang pantalan sa probinsya nga wala nay maka lusot.
Aduna hinuoy gipang tugotan sa mga quarantine checkpoints sa kalungsuran nga maka agi nga mao kadtong adunay flight pagawas sa Sugbo nga maka pakitag ticket nga mag matuod sa ilang pangangkon.
Aduna pay flight pagawas sa Sugbo apan wala na matod pay gitugotan nga maka tugpa sa MCIAA. (AYB)