SUPERBALITA DAVAO

1 nag-positibo sa Covid-19 sa Digos stable na



ANG Research Institute for Tropical Medicine (RITM) nikumpirma sa unang kaso sa coronavirus disease (Covid-19) nga natala sa dakbayan sa Digos, sumala sa usa ka opisyal sa City Health Office (CHO).

Matod ni Dr. Ronald Jumilla, CHO health officer 2, nga nadawat na nila ang test results gikan sa RITM ug nakumpirma nga ang 38 anyos nga lalaki, kinsa unang gideklara nga presumptive positive sa Southern Philippines Medical Center (SPMC), nag-positibo sa Covid-19.

Si Jumilla nagbutyag nga nadawat sa CHO ang RITM results niadtong Lunes, Marso 30, diin gibutyag sa mga opisyal sa siyudad nga ang maong pasyente nalakip sa gatusan ka mga tawong miadto sa cockfight derby sa New Matina Davao Gallera sa Davao City niadtong Marso 6-13, 2020.

Dakong hagit sa mga opisyal sa panglawas ang nahitabo human dako ang tsansa nga ubay-ubay ang hayan matakdan sa impeksyon mao nga una niini nanawagan ang lokal nga gobyerno sa Davao City nga gikihanglan silang mopailawom sa 14-day quarantine.

Hinuon, anaa na sa isolation room sa SPMC ang pasyente sa Digos ug gikataho nga anaa na sa stable condition.

Sa gipaguwang bulletin board sa City Government of Digos, giklaro niini nga gisugdan na nila ang contact tracing sa mga tawong nakaduol sa suspek apil sa ubang nakaadto sa sabungan.

Samtang si Mayor Josef Fortich Cagas nag-awhag sa publiko nga magpuyo una sa panimalay samtang padayong gihimo ang pag-disinfect sa palibot sa dakbayan ug gipatuman ang state of health emergency. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph