GIKLARO sa Department of Social Welfare and Development (DSWD)-Northern Mindanao nga ang pag-apod apod og relief assistance sa katawhan ilang ibasi sa listahan nga ihatag sa matag local government unit (LGU).
Kini ang gibutyag ni Assistant Regional Director Aldersey Dela Cruz ug miingon nga ilang ihatag kung unsay request sa matag LGU ug ihatag ang listahan.
Apan gipaabot sa DSWD nga prayoridad sa buhatan ang mga membro sa Pantawid Pamilyang Pilipino Program (4Ps), informal sector, universal cash transfer.
Apan kung hisgotan ang food distribution kini responsibilidad na sa LGU.
Dugang pasabot niini nga kung adunay hangyo gikan sa non-government organization ug uban pa nga wala nalakip sa listahan sa LGU ang kinahanglan pa og endorsement ngadto sa chief executives aron walay magpareha o magdoble sulod sa ilang area of responsibility.
Giklaro niini nga walay gipili apan kadtong walay income karon panahona ang makadawat niini.