KAPIN sa tunga sa milyones nga balor sa shabu ang nasakmit atol sa gihimong pagpangronda sa mga operatiba sa Regional Drug Enforcement Unit (RDEU)-7 nga miresulta sa pagkasikop sa tulo ka mga dinakpan.
Si PCapt.Joeffre Grande sa RDEU -7 maoy nangu sa gihimong Anti Illegal Drugs Operation didto sa Sityo Santo Nino -3, Barangay Luz, siyudad sa Sugbo.
Giila ni PCapt.Grande ang mga dinakpan nga sila si Mark Paul, 23, kinsa maoy target sa buy bust operation ug laing duha pa nga sila Janet Booyaban 28, ug Dan Johnson Felices 27 pulos molupyo sa Barangay Luz, ning siyudad.
Nasakmit nga mga shabu ngadto na kang Paul ang kapin sa tunga sa milyones nga balor sa shabu subay sa iyang DDB value.
Dugang ni Grande nga usa ka semana ang ilang giumol nga mga adlaw sa pag monitor kang Paul panahon sa adlaw human nga miabot kanila ang maong impormasyon.
Gikonsiderar nga high value individual si Paul human nga usa ka piniriso ang kontak sa dinakpan sa iyang mga shabu ug mao usab ang ilang sutaon sa BJMP kalabot sa maong agalon sa dinakpan sanglit nga wala una gibutyag ang pangalan. (BBT, GPL)