3 ka dugang kaso sa Covid-19 sa Sugbo

Hulagway kuha ni Amper Campana
Hulagway kuha ni Amper Campana

GIKUMPIRMAR sa usa ka opisyal sa Department of Health (DOH) Central Visayas Miyerkules, Abril 1, 2020, nga tulo ang nagpositibo sa Covid-19 sa rehiyon sa labing bag-ong resulta nga migawas sa Vicente Sotto Memorial Medical Center.

Sigon ni Dr. Jaime Bernadas, Department of Health-Central Visayas director, nga ang tulo nagagikan sa Dakbayan sa Sugbo, Dakbayan sa Mandaue ug lalawigan sa Consolacion.

Nagpangidaron sila og 50 anyos pataas.

Nagpabilin nga unom ang natala nga namatay sa Central Visayas.

Ang pasyente nga gikan sa Consolacion usa ka 54 anyos nga lalaki. Nakalarga ang maong pasyente sa gawas sa nasud ug mipaubos kini sa 14 ka adlaw nga quarantine pag-abot sa Sugbo.

Wala kini ma-admit apan mipakita ang pasyente og simptomas sa Covid-19.

Gikataho sa DOH Miyerkules sa alas 4, ang 227 nga bag-ong kaso sa Covid-19 sa tibuok nasod. Ang kinatibuk-ang ihap sa mga kaso anaa na sa 2,311.

Gi-report usab sa DOH ang 1 nga dugang nga recovery diin ang kinatibuk-ang ihap anaa na sa 50. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph