GIKUSTODYA karon sa kapulisan ang usa ka lalaki nga nagpakatap og fake news sa social media diha sa Barangay Lapinig, lungsod sa Balingoan, Misamis Oriental.
Sikop sa kapulisan sa Balingoan Police Station si John Ray Z. Macas, 25, ulitawo ug residente sa susamang dapit.
Sa imbestigasyon sa kapulisan sa pagpanguna ni Police Captain Michael Lacasan, hepe sa Balingoan Police Station, ilang giresponde ang report sa gihimong pagpakatap ni Macas sa iyang post sa social media nga Facebook.
Kini human iyang gi-post nga adunay positibo sa Covid-19 sa Barangay Lapinig, Balingoan Misamis Oriental nga gikan sa nasod sa Japan.
Ang maong post naghatag og kabalaka sa mga residente sa dapit.
Gikostudya na karon sa kapulisan si Macas human nakasupak sa balaod ubos sa Anti-Cybercrime Law.