MOKABAT na sa 57 ka Barangay Isolation Units (BIUs) ang giandam sa nagkadaiyang barangay sa siyudad sa Cagayan de Oro alang sa mga person under monitoring (PUM) ug patient under investigation (PUI) nga adunay mild symptoms sa Covid-19.
Ang matag BIU adunay kompletong kagamitan nga gipangandaman sa mga opisyal sa barangay aron maatiman pag-ayo ang mga indibidwal nga walay kapasidad og self-quarantine sa kaugalingong panimalay.
Inubanan sa governance ug health clusters ubos sa Emergency Operations Center sa lokal nga kagamhanan, nahimong posible sa barangay ang pagmugna sa maong mga pasilidad dinhi sa dakbayan. (CIO)