SUPERBALITA CAGAYAN DE ORO

Rodriguez: Pakan-a na ang tao kay gigutom



HANGYO ni Konsehal Jocelyn "Bebot" Rodriguez nga pakan-on na ang katawhan sa siyudad sa Cagayan de Oro nga nagpaabot sa relief assistance sa lokal nga kagamhanan sa dakbayan sa Cagayan de Oro.

Napulo na ka adlaw ang nilabay gikan gideklarar ni Cagayan de Oro Mayor Oscar Moreno nga ubos sa community quarantine ang siyudad apan daw wala pay inisyal nga natunol ang kagamhanan.

"Naa ta sa kalamidad karon, walay rason nga dili nato ihatag dugay na ang iligan nag second wave na pagpanghatag bukidnon ug uban pang siyudad kita kanus-a pa?" pangutana niini.

"Bisan unsaon nimo og yawyaw, di nako masabtan kay daghan ang gigutom sa siyudad. Daghan na gapaabot kanus-a ang rasyon sa pagkaon," matud ni Rodriguez sa usa ka interbyu sa sibyaan sa radyo.

Dugang niini nga kung ang repacking ang nakalangan, ideretso nalang kini sa kabarangayan aron mao nay magsig-iya sa pagpang-repack ang barangay.

"Hopefully, paagi sa akong tingog nga mapaspasan nila tagai na ang barangay og pagsalig kay inyong natagaan gamay pa nga barangay. Ihatag nana didto sa mga kapitan ipa pack didto, wala nay pamulita pamulitika karon. Ihatag didto, ipa pack kay daghan gapaabot," dugang ni Rodriguez ug miingon nga pipila lamang sa mga barangay sa siyudad nagpagawas na sa ilang kaugalingon nga calamity fund apan daw ang dakbayan wala pay natunol.

"Ayaw ko ninyo tubaga nga kamo ra magtubag tubag nga mao ni mao na kay dina nako masabtan. Mas masabtan nako nga makita nako ni sa kaugalingon nga mata nga naa gipakaon na, nga naa giatiman na sa mga tambal. Ayaw ko ninyo libog liboga kay diko malibog," dugang sulti niini, gani gikwestyon pa niini nganong ang gamiton ang supplemental budget nga wala pay giingong detalye asa mipaingon ang calamity fund sa dakbayan nga P300 milyon.

Hinoun, aminado si Rodriguez nga gipagawas lamang niya iyang gibati taliwala wala siyay gahom ug di matubag iyang mga question labina siya lamang ang minorya sa ikaduhang distrito sa siyudad.

Ang City Social Welfare Development Office nipasabot na nga kulang sila og manpower, hinungdan anaay kalangan sa pag-apod sa relief assistance ug dili pa sab tanan mga barangay nakahuman og profiling sa matagaan og ayuda.

Apan ilang gipasalig nga madawat sa 21,000 ka mga indigent nga pamilya ang food packs nga 15 kilos sa bugas, taglima ka lata sa sardinas, beef loaf ug corned beef ug 15 pcs sa noodles nga mapaabot sa pamilya sigo sa 15 ka adlaw nga budget.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph