ANG taga siyudad sa Panabo, Arena grandmaster (AGM) Henry Roger Lopez, uban ang username Du31, pabilin nga way pildi human ang duha ka rounds sa nagpadayong 1ST Philippine National Bullet Chess Championship Online First Leg.
Ang 21st-seeded Lopez mipildi ni ACM Vincent Bryan Paragas (maginoo1) sa Round 2 human mi-split og puntos kang Nino Bondoc (ynbb) sa unang bahin sa nine-round chessfest nga giorganisa sa National Chess Federation of the Philippines.
Nakigkumbuya siya sa 40th ngadto 55th places uban sa laing magduduwa nga miposte og 1.5 points nga gipangunahan ni grand master (GM) Darwin Laylo (Darwin_Laylo01).
Kahindumuman nga si Lopez, nga nakatapos isip chess varsity scholar sa Holy Cross of Davao College, parte sa double gold medalist chess team sa nasud sa 2018 Asian Para Games sa Jakarta, Indonesia.
Si top seed US-based Rogelio Barcenilla (Banjovi) kasamtangang nanguna sa 211-player field nga may “perfect two points.”
Si Barcenilla miharus sa iyang duwa kontra Wil Maghanoy (preleste) ug Zomer Amir (parengBok).
Si Second seed IM Jan Emmanuel Garcia (Nyxnyxnyxnyxnyx) ug third seed IM Paula Bersamina (fastestmanalive) nabutang sa ikaduha ug ikatulo.
Sila puros miiskor or two points uban ang laing 37.
Si Garcia mipildi ni John Edward Vito Cruz (skylord052300) ug Jesse Abucejo (BobTheBuilder07) samtang si Bersamina mipildi ni Cyrus James Damiray (easypeezy1029) ug Jose Aspiras (Waurp) sa unang duha ka rounds.
Apil sa top 10 ang teo-pointers Ellan Asuela (asue07), Kevin Arquero (vinrai), NM Joey Albert Florendo (JoeyFlorendo), Fide master Nelson Mariano III (CoachEloMariano08), AGM John Michael Silvedero (Xychael27), Michael Concio, Jr. (KB824) ug Eric Labog, Jr. (Omegadeath12).