SUPERBALITA DAVAO

Delos Reyes: Gobyernong may malasakit

Yanong Pagsabot

CORONAVIRUS disease kon (Covid-19) maoy pinakainit nga topiko bisan asang dapit sa kalibutan karon. Hilabihan kadaghan ang ihap sa katawhan nga natakbuyan ug nangamatay tungod niini nga virus nga mikuyanap sa tibuok kalibutan.

Dunay miingon nga gikan kuno sa nasud China ang sinugdanan kay nabuak kuno ang sudlanan nga grapa sa kemikal nga gimugna sa usa ka scientist nga gamiton unta sa pagparalisa sa katawhan sa HongKong nga buot kuhaon pagbalik sa nasud China apan milampas sa buot mahitabo nga pagpahinay lang unta sa pangisip sa katawhan. Ang resulta daghan naman hinoon ang nangamatay.

Aduna pod nagakatag nga istorya nga gibuhat kuno sa nasud America alang sa nasud China nga nagapakitag pagsukol sa America kay hitsas na sila sa armas nga pang-giyera.

Ang epekto sa atong nasud gibati na sa katawhan nga ginapugngan nga mogawas sa mga balay aron malikayan ang dugang kadaot kung matakbuyan sa virus sa gawas.

Mga kritiko ni Presidente Rodrigo Duterte sa gihapon nagsige og panaway tungod sa mandu sa Malakanyang nga hunungon ang mga naandan nga trabaho sa katawhan ug tugotan lang ang usa matag panimalay nga mogawas ugaling mopalit og pagkaon ug uban pa nga importante nga panginahanglan.

Daghan ang dili papugong kay mogawas gayod, aron manarbaho kay mag-unsa nalang kuno sila kon walay trabaho, walay ikapalit og pagkaon.

Sa gihatag nga emergency power sa Kamara kang President Digong, iyang gipasalig nga mahatagan og ayuda ang matag pamilya, mga drayber ug ang mga nawad-an sa ilang trabaho tungod napugos pagsira ang kompanya nga ilang gina-trabahoan.

Maayo ang tumong sa gobyerno, apan atong makita nga dunay daghan nga buot mobabag kay supak nga gamiton ni President Duterte ang kwarta nga gi-budget na sa ubang projects nga naaprobahan sa gipasa nga budget alang sa 2020.

Ang gobyerno nagatan-aw sa kasakit nga ginaatubang sa katawhan karon. Sa kasamtangan nga sitwasyon atong makita ang pagpatuman sa gipasigarbo sa administrasyon nga ‘Tapang at Malasakit’.

Tapang sa pag-atubang sa problema ug malasakit pinaagi sa paghatag og hinabang aron ang tanan makalabang sa kasamtangan nga kalisud.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph