SUPERBALITA DAVAO

Medical equipment gidonar sa SPMC

DAVAO. Okupado sa paghabwa ang mga kawani sa Bureau of Customs (BoC) Davao sa mga medical equipments gikan sa walo ka mga 40-foot container van nga giabandona sa mga consignee niini. (Pinaambit nga hulagway sa BOC-Davao)

WALO ka mga 40-foot container van nga dunay mga sulod nga medical equipment ang giablihan sa Bureau of Customs (BOC) Davao gumikan giabandona na ang shipment sa mga consignee.

Pinaagi ni Davao City First District Congressman ug House Deputy Speaker Paolo “Pulong” Duterte, na-donar ang maong mga medical equipment ngadto sa Southern Philippines Medical Center (SPMC) nga maoy pinakadako nga government hospital sa Mindanao nga nahimutang sa Davao City.

“As we are now facing this crisis, we have to come up with immediate but effective measures so we can deliver services to our constituents. Rest assured that we are focusing our efforts into this. As such, we are coordinating with other stakeholders so we can provide the needs of our health workers. It is our job to make sure that they are fully equipped as our frontliners. We are doing a holistic approach and we need to make sure that our resources are efficiently distributed,” ingon sa Presidential son.

Sumala ni Duterte nga modugay og pipila ka mga bulan una ma-proseso ang mga giabandona nga mga shipment, apan kining walo ka 40-foot container van, andam na kining ma-turnover sa SPMC.

Gibutyag sab ni district collector Erastus Sandino Austria sa Port of Davao Collection District XII nga ang walo ka mga 40-foot container van dunay sud nga mga gurneys, wheelchairs, bed-side ug operating tables, dialysis chairs, medical trolleys and crutches, pharmaceutical refrigerators ug sterilizers.

Giingon ni Austria nga ilaha na nga gidali ang pagproseso sa mga nahisgutang Personal Protective Equipments (PPEs) ug medical equipment aron magamit sa SPMC sa pag-atiman sa mga pasyente nga gitakbuyan og coronavirus disease (Covid-19).

Sa lakang sa kongresista ning siyudad, dako ang pasalamat ni SPMC Medical Chief Dr. Leopoldo Vega sa nasampit nga donasyon gumikan gikonsidera nila kini nga dakong tabang sud sa ospital niining krisis karon nga dala sa Covid-19.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph