DUHA ka mga semana human misulpot ang taho nga duha ka mga magduduwa sa Los Angeles Lakers ang positibo sa coronavirus disease (Covid-19), ang team management ningbutyag nga ang tanan nilang ginsakupan luwas na gikan sa makalilisang nga virus.
Ang mga magduduwa ug staff sa Lakers pulos na negatibo sa Covid-19 human nakakompleto sa 14 ka mga adlaw nga home quarantine.
"All Lakers players are currently symptom-free of Covid-19. The team will continue to follow the health and safety guidelines set by government officials, the Lakers and the NBA," opisyal nga pamahayag sa Lakers.
Niadtong Marso 19, gikompirmar sa Lakers nga adunay duha sa ilang mga magduduwa ang positibo sa Covid-19 apan wala sila mibutyag og pangalan.
"The thing I think people aren't realizing is how serious of an ordeal this is and that it's not to be taken lightly," matod ni Lakers guard Alex Caruso.
"Everybody said the test is uncomfortable, and it pretty much was. They just stuck a Q-tip through your nose to the back of your mouth." (ESL, Reuters)