SUPERBALITA CEBU

Tambagi ko Noy Kulas: 2 ang gituhog

DEAR Noy Kulas,

Maayong hapon, Noy Kulas. Tagoa lang ko sa ngan nga Jel, 21 years old. Sa akong edad, usa na ko ka inahan pero wa mi magminyo sa amahan sa akong anak kay di pa kuno siya ready. Mahadlok ko kay known playboy siya sa among lugar.

Late last year, naay nisumbong nako nga nakit-an silang duha sa akong first cousin nga babaye nga nanuroy sa usa ka mall. Akong gi-confront akong cousin kay bisan di tuod mi minyo aning akong boyfriend, naa mi relationship ug naa mi anak. Ni-deny ang akong cousin kay wa kuno sila manuroy, nagkakita lang sila sa mall, naatol nga sila nagkasugat. Mituo ra sab ko kay first cousins mi ug kababata.

Early this year, akong former classmate nakakita nilang duha nga naglakaw nga ga holding hands ug naka send siya og picture nako. Akong giadto sa ilang balay ang akong cousin ug gipakita sa picture. Nihilak siya ug ni-admit nga uyab sila since last year pa. Ang nakapait kay mabdos siya karon ug ang akong BF ang amahan.

Maora ko og gitabunan sa kalibutan pagkahibawo nako. Ako untang awayon ang akong cousin pero naluoy ko niya kay kahibawo ko unsa kalisod ang magmabdos nga ang amahan way klarong support. Naglibog ko karon unsa ang akong buhaton kay niingon ang akong boyfriend nga magtunga mi sa iyang support kay mohatag pud siya sa akong cousin. Unsa akong buhaton, Noy Kulas, karon nga ingon ani na ang among situation? Please tambagi ko.

Jel

Jel,

Gikinahanglan nga maghugtanay karon sa bakus. Sakit tingali alang nimo, mas maayong imo nang putlon ang inyong relasyon anang imong boyfriend kay basin masundan na nya tulo nang anak niya sa inyong pamilya. Lisod nang mausban pa kay klaro kaayo nga siya usa ka playboy.

Bisan magbuwag na mo, wa na magpasabot nga makaputol na siya sa iyang support sa inyong anak tungod kay ubos sa balaud, iyang obligasyon ang pagsuporta ug mapugo siya ani paghimo kay kon di, duna siyay bug-at nga tulubagon sa mao nga balaud. Mahimo gani nga siya mapriso. Kon mabuhi kang way suporta niya, kana mahimo ra kaayong ireklamo siya. Naa man guy uban nga magpanuko sa pagreklamo kay maputol ang support. Mao nay dilemma sagad sa mga babaye nga nagsalig sa support sa amahan sa ilang anak o mga anak. Ugumon na lang ang garbo.

Huna-hunaag maayo.

Noy Kulas


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph