DUL-AN 3,000 na ka mga health workers ang nakapahimulos sa Malasakit Bus nga libreng sakay tanyag sa Office of the Presidential Assistant for the Visayas sa mga medical workers sa Sugbo.
Gikan usab sa unom ka bus, niabot na sa walo ang gipadagan sa OPAV tungod kay nagkadaghan ang nisakay niini nga libreng matang sa transportasyon.
Ang OPAV nakigpartner sa Vallacar Transit Inc., tagdumala sa Ceres buses, aron mao kini ang mga gigamit nga bus.
Alang sa paingon sa Fuente Osmeña gikan sa dakbayan sa Talisay, anaa’y schedule ang bus sa Starmall, Talisay, 4:30 sa kaadlawon, alas 12:30 sa udto ug alas 8:30 sa gabii.
Gikan usab sa Fuente Osmeña paingon sa Starmall, Talisay anaa’y schedule nga alas 6:30 sa buntag, alas 3 sa hapon ug alas 10 sa gabii.
Alang sa mga taga norte o taga dakbayan sa Mandaue, kon gikan ka sa Pacific Mall ug paingon sa Fuente Osmeña, anaa sa alas 4:30 sa buntag, alas 12:30 sa udto ug alas 8:30 sa gabii ang schedule.
Gikan sa Fuente pabalik sa Pacific Mall, anaa’y schedule nga 6:30AM, 3:00PM ug 10:00PM.
Sa mga health workers sa Consolacion, anaa’y Malasakit Bus sa SM Consolacion paingon sa Vicente Sotto Memorial Medical Center diin ang schedule kay 5:00AM, 12:30PM, ug 8:30PM.
Gikan Sotto paingon sa SM Consolacion, anaa sa 7:30AM, 3:30PM, ug 11:00PM ang schedule. Gikan sa Minglanilla, anaay bus maghuwat sa Jollibee, Minglanilla paingon sa Vicente Sotto Memorial Medical Center diin ang schedule 5:00AM, 12:30PM, ug 8:30PM.
Gikan sa VSMMC pabalik sa Jollibee, Minglanilla mao ni ang schedule: 7:30AM, 3:30PM, ug 11:00PM.
Ang mga paingon sa isla sa Mactan, anaa’y bus gikan sa Marigondon (ThreeSixty Pharmacy) paingon sa Sotto ani ang schedule: 5:00AM, 12:30PM, ug 8:30PM.
Gikan VSMMC, pabalik sa Marigondon, 7:30AM, 3:30PM, ug 11:00PM.
Samtang bag-ong rota usab ang Talamban gym paingon sa VSMMC nga 5:00AM, 12:30PM, ug 8:30PM. Ang Sotto pabalik sa Talamban Gym anaa’y schedule nga 7:30AM, 3:30PM ug 11:00PM. (HBL)