SUPERBALITA CEBU

Barrita: 24 oras nga curfew

Tipik sa Balaod

DAGHANG nangutana bahin sa 24 oras nga curfew sa mga senior citizens nga nag-edad og 65 anyos pataas ingon man sa tanang mga menor de edad ug mga estudyante gikan sa elementarya hangtod sa kolehiyo ug bisan sa post-graduate apan way trabaho nunot sa enhanced community quarantine (ECQ).

Ang 24 oras nga curfew gipatuman dinhi sa syudad ug tibuok lalawigan sa Sugbo isip usa sa mga lakang sa pagkontrolar sa pagkuyanap sa corona virus nga mosangpot sa sakit nga Covid-19. Lakip sa ECQ ang pagsirado sa mga borders tali sa syudad ug probinsya.

Ang curfew mahimong ipatuman kon dunay gisubay nga balaod nga gipasar sa Kongreso o mga ordinansa nga gipasar sa provincial board, city ug municipal councils ug barangay council.

Unsa man ang gisulti sa atong Batakang Balaod bahin niini?

Ang Section 6, Bill of Rights (Article III), 1987 Constitution, nagkanayon, “The liberty of abode and of changing the same within the limits prescribed by law shall not be impaired except upon lawful orders of the court. Neither shall the right to travel be impaired except in the interest of national security, public safety, or public health, as may be prescribed by law.”

Mao kini ang freedom of movement ug right to travel, ang kagawasan sa paglihok ug ang katungod sa pagbyahe. Apan dunay mga exceptions. Mapugngan ang paglihok ug pagbyahe tungod sa nasudnong seguridad, kaluwasan sa publiko ug panglawas sa publiko.

Ang corona virus naghulga sa panglawas sa publiko. Mao nga gipatuman ang 24 oras nga curfew kay ang mga senior citizens pa gyud ang gikataho nga labing vulnerable, ang labing daling takboyan sa maong sakit.

Apan sa human rights lawyer Chel Diokno niingon nga ang 24 oras nga curfew “is an outright denial of the right to travel and freedom of movement.” Samtang si Edre Olalia, pangulo sa National Union of People’s Lawyers, niingin, “24-hour curfews are unconstitutional for being arbitrary and unreasonable and an overbreadth of police power unwarranted under the present and foreseeable future.”

Unsay kalainan sa 24 oras nga curfew sa total lockdown nga gipatuman didto sa Luzon?

Si Justice Secretary Menardo Guevara, usa ka senior member sa corona virus inter-agency task force, niingon, “The total lockdown in Luzon is in effect a 24-hour curfew. No one leaves the house unless covered by the exceptions/exemptions.”

Naglakip kini sa pagpalit og pagkaon, tambal, food delivery ug uban pa. (edbarrita@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph