USA ka magduduwa gikan Cotabato City gisagpa sa duha ka tuig nga ban gikan tanang National Chess Federation of the Philippines (NCFP)-sanctioned tournaments tungod sa giingong pagpanikas sa online chess tournament.
Si NCFP executive director lawyer Cliburn Orbe, sa post sa NCFP's official Facebook page, nagpahibalo nga Abril 1, ang lichess.org nag-ban sa magduduwa og chess nga may ngalang AA7420, tungod sa paggamit og computer assistance.
"Before we started our online chess tournaments, we made it clear that if you get banned by Lichess or other servers for cheating or using computer assistance, you will also be banned from all NCFP tournaments online or over-the-board for two years," ni Orbe.
Apan ang iyang post gitangtang sab pipila ka oras human niya kini gibutang.
Sa pakighinabi sa SunStar Davao, si Orbe nagkanayon nga gitangtang niya ang post tungod ang magduduwa minor.
Suma niya miapela sab ang ginikanan sa magduduwa.
Ni Orbe nga mohimo sila og pagpanubay sa hitabo, diin ang Lichess, sama sa ubang chess service, "know better than we do."
Suma niya, "They have the algorithms to ensure whether a player has used computer assistance and resources from computer programs or if the player is cheating."
Samtang si local sports patron lawyer Jong Guevarra Jr. nag-banned sab sa maong magduduwa sa online tournament via lichess.org.
"Since this player is also a participant in our ongoing Beating the Covid-19 Attack Grand Prix Series, I am also disqualifying him to join our two remaining legs. I would not be mentioning his name but you can go to the NCFP FB page for inquiry," ni Guevarra sa iyang Facebook account.
Niya, ang pagbutang og minimal nga premyo pamaagi aron malikayan ang pagpanikas.
"Kung ing-ana ang atong attitude then we are just discouraging prospective sponsors apil na ko ana. So ang akong hangyo sa tanan players, fair play lang gyud ta para malingaw og muasenso ta tanan," dugang niya.