DEAR Papa Joe,
Ako diay si Patricia, 28 years old, usa ka single mam. Nagtrabaho ko isip usa ka janitress sa usa ka kompaniya.
Bisan ubos ning akong trabaho, ako lang gihapon nga gikaya kay gibiyaan man mi sa akong bana bisan kasado mi. Karon nahadlok ko sa akong sitwasyon kay magsunod tawon mi sa mga hugaw sa laing tawo. Naguol ko kay simbako mag unsa nalang ko labaw nang akong anak.
Ang uban gusto mogawas. Ako kon naa lang koy balikang trabaho, gusto ko mopuyo lang og balay mas maayo pa, pero mao man ni among gisudlan nga panginabuhi. Gusto lang ko matambagan unsaon pag over come ning akong kahadlok.
Patricia
Patricia,
Saludo kaayo ko ninyo sa inyong trabaho. Salig lang sa Ginuo. Sa akong pagtambag bitaw ani, kalit lang ni pop up sa akong hunahuna si Daniel sa bibliya diin gilawog siya sa mga liyon pero wa unsaa.
So, kon hugot ang imong pag ampo sa kahitas an ug di pa gyud nimo oras, way dautang mahitabo nimo basta timan-an lang sad nimo nga mag amping sad ka kanunay.
Usa sa mga gasa ni Kristo nato mao ang atong utok sa paghunahuna og sakto. Mao nga pangayua kana nga ilikay ka sa mga katalagman. Daghang salamat.
Papa Joe
(inyong tampo ipadala lang sa papajoesuperb@gmail.com)