SUPERBALITA CEBU

Barrita: Ayaw kahadlok

Tikdul-tikdol

NINDOT haayo kon maghisgot ka og gubat. Di malikayan ang estorya sa nangamatay sa gubat batok sa Covid-19, way armas nga gikinahanglann. Way kontra nga makita. Lagi kay ang kagaw di man makita..

Didto sa kabukiran sama sa amo sa Cabadiangan, daghan ang mahadlok sa mga ungo. Pero bisan usa way nakakita sa ungo. Wa sila maghuna-huna, kon ikaw ang ungo magpakita diay ka?

Kon nagpakita na gani ang ungo, mao na kana ang panahon nga balbalon ka. Sa ato pa, wa ka nay panahon nga mangestorya kon unsay nahitabo kanimo.

•••

Sa nahitabo nato karon, tungod sa corona virus, maglagyo na ta. Di na ta magtakod sa pagka ungo ug sa Covid 19 nga hilabihan ka delikado.

Daghan na ang nangamatay sa maong sakit. Menus pa dinhi sa ato kay dali man kita nga motuman sa mga lagda nga giluwatan sa kagamhanan. Sa ginaingon pa, tuman kay para ato ning tanan.

Ang problema kay dinhi sa lalawigan Sugbo, bisan kon aktibo kaayo ang atong gobernador, di man ikasinabot ang ubang mga ahensya sa gobyerno. Ang nahitabo mao nga magyagaw.

•••

Di ikalimod nga ang gobernador mao ang hawod sa lalawigan sa Sugbo. Mao kana ang iyang teritoryo. Di ikalimod nga pinangga kaayo niya ang taga probinsya , apil na ko ana kay taga Cabadiangan man ko.

Mao nga suportado nako ang tanan niyang gihimo. Sa kabukiran, mahimo pa kaming mananom og mga lagutmon. Peri karon nga kwarisma na, tingali mas maayo nga manghatag ang gobernador og bugas sa katawhan.

Si Gobernador Gwen Garcia ang labing nasayod niini. Mahimo gani nga bakwion nako ang akong gisulti kay mas una pa siyang nahibawo niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph