Overpricing nga saging gironda

GIBANA-BANANG moabot ngadto sa 2,000 kilos ang nakumpiska sa saging nga lakatan human gironda sa hiniusang pwersa sa Iligan City Police Station 5 ug Criminal Investigation and Detection Group (CIDG) Iligan niadtong Abril 1, 2020 sa ang usa ka fruitstand sa Palao, Iligan City.

Kini human positibong napalitan sa nagpatoung mga mamalitay nga pulis nga gibaligya ang saging sa kantidad nga tag P90 ang kilo.

Usa ka babae ang gisikop nga tag-iya niini giilang si Rhea Tariman, 34, taga siya sa Rhea and Rheena Fruit Stand GF.

Lakip sa gisikop iyang mga trabahante nga giilang sila si Rheena Tariman, 33; Frelyn Tariman, 18; ug Jemark Tariman, 19.

Nakumpiska sa ilang posisyon ang 1.73 kilo sa lakatan nga saging nga tag P90 ang kilo ug mokantidad og P155 nga unta ang kilo sa saging moabot lang sa P50 matag kilo nga maoy mandato sa Department of Agriculture.

Lakip sa gikumpiska ang timbangan ug uban pa nga gamit ug ang saging nga lakatan nga baligya nga moabot sa 2,000 kilo nga kung ibaligya sa tag P90 matag kilo moabot sa P180,000 ang presyo.

Anaa ang presensya sa operasyon ang personahe gikan sa DTI, Agriculture, City Health ug opisyales sa barangay.

Kasupakan sa RA 7581 o Price Act nga gimendar sa RA 10623, RA 7394 (Consumers Act) ug RA 11469 Bayanihan to Heal as One Act ang atubangon sa mga dinakpan.

Related Stories

No stories found.
SunStar Publishing Inc.
www.sunstar.com.ph